Friday, 7 December 2012

Seekho....

samjho zindagi ek tohfa h
tabhi shuruaat ko ant se milaana seekho...
samjho ek din ki kya keemat h
tabhi suraj ko pehli kiran ko raat ke un lakhon taaron me roshni se jodna seekho...

kismat ke bharose pe jeena, jeene ka zaroor ek tareeka h....
par haatho ki lakeero ko apne bal pe badalna seekho....
dukh ka samudra najaane kitna gehra h....
par toofan ko cheer k aage badna seekho....

samay badalta tha aur samay badalta rahega.....
phir bi ek pal ko apne haatho thaamna seekho....
logon ka milne-bichadne ka silsila yunhi chalta rahega.....
par un logon ke dilo me ek ahem jagah banana seekho....

rukaawte har samay tumhaare raaste me aaengi....
un rukaawto se bachna nai ladna seekho....
zindagi tumhe har din ek naye manzar pe laake rakh degi....
un manzar se apni nayi raah banana seekho....

kehne ko log tumhaari har haar pe najaane kaisi kaisi naseehatein denge....
lekin har haar ko ek din jeet me zaroor badalna seekho....
kehne ko antarman me najaane kitni khawahishein banti bigadi rahengi....
par apne andar us law ko ek mashaal banana seekho.....

seekhna sikhaana yunhi chalta rahega.....
par smjho zindagi ek hi h.....
tabhi zindagi ko zindagi ka tohfa dena seekho......



 
written by-
RAM CHANDER SHARMA

No comments:

Post a comment

Comeback...

Well its never easy, but see here i am. I have been away from my blog for so long, can't really remember when i actually wrote 2 posts...